Universidade Oriental Timor Lorosa’e (UNITAL) produz ona 5.952 graduadu ne’ebé iha kompeténsia no kapasidade atu responde ba nesesidade merkadu servisu. Hosi total graduadu sira ne’e, 95% hetan ona empregu iha instituisaun públika no privadu, empresa no organizasaun respeitadu sira, iha Timor-Leste no mós iha rai liur.

Rezultadu ida-ne’e hatudu katak UNITAL kontinua kompromete-an atu fornese edukasaun superior ho kualidade, dezenvolve rekursu umanu kompetente, no prepara estudante sira atu kontribui ativamente ba dezenvolvimentu nasionál no internasionál.

Atualmente, UNITAL kontinua hadia qualidade akademika, infraestrutura, kuríkulu no sistema servisu akademiku, atu garante katak kada graduadu iha kapasidade, étika no responsabilidade atu enfrenta dezafiu sira iha mundu servisu ne’ebé kontinua muda.