Díli,10 Dezembru 2025-Universidade Oriental Timor Lorosa’e (UNITAL) formalmente assina Termu Entrega servisu Instalasaun Internet Starlink ho Kompaña Vorakai, ne’ebé sei fornese internet gratuita ba estudante, dosente no funsionáriu sira iha kampus.

Instalasaun Starlink ne’e mak parte estratéjika ba modernizasaun infraestrutura dijitál UNITAL, hatudu melhora kualidade banda larga, sinal estable no asesu lalais iha lokál universidade. Kompaña Vorakai responsavel ba entrega, instalasaun fisika no teste inisial, inklui antena Starlink, router no konfigurasaun integradu ho rede UNITAL.

IT UNITAL sei kontinua operasaun, distribuisaun rede Wi-Fi institusionál no login seguru ba komunidade akademika, atu garante internet la hetan abuzu no prioritiza fins akademika, hanesan plataforma online aula, peskiza no asesu ba rekursu sientífiku.

Representante estudante sira fornese feedback positiva kona-ba uza internet foun ne’e, ne’ebé mak sei fasilita aprendizajen no produktividade akademika.

Instalasaun iha faze final, ho servisu operasionaliza momentu asinatura Termu Entrega. Parseria ida ne’e mak parte husi esforsu Fundasaun FORTIL no UNITAL atu kontinua moderniza infrastruktura dijitál nian no aumenta oportunidade akademika ba estudante sira iha era transformasaun dijitál.

Ekipa IT UNITAL